14-iyul kuni O‘zbekiston milliy universiteti, Toshkent davlat yuridik universiteti, Toshkent davlat Sharqshunoslik va Toshkent farmatsevtika institutlari Harbiy o‘quv fakultetlari (Harbiy kafedra) kursantlarining tantanali Harbiy qasamyod qabul qilish marosimi bo‘lib o‘tdi. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga ma’lum qildi.
Xususan, O‘zbekiston milliy universitetida o‘tkazilgan tantanali marosimda Mudofaa vazirligi kadrlar tayyorlash bosh boshqarmasi boshlig‘i polkovnik Farhod Shermatov, Sharqiy harbiy okrug qo‘shinlari qo‘mondoni polkovnik Lutfullo Buzrukov, universitet rektori Avazjon Marahimov, ota-onalar hamda oliy o‘quv yurtlari xodimlari, davlat va jamoat tashkilotlari vakillari ishtirok etib, kursantlarni Qurolli Kuchlar safiga kirishlari munosabati bilan qutladilar.
Har yili oliy o‘quv yurtlari Harbiy o‘quv fakultetlari 3-kurs kursantlari Qurolli Kuchlar safiga kirish oldidan o‘z xizmat burchlarini sadoqat bilan ado etish to‘g‘risida qasamyod qiladi.
Izoh (0)