Vatikandagi Tevton qabristonida 1983-yilda yo‘qolgan 15 yoshli Emanuela Orlandi jasadi qoldiqlarni topish maqsadida ikki qabr ochildi. Biroq, Meduza’ning xabar berishicha, ularning ikkovi ham bo‘sh bo‘lib chiqqan.
Ma’lum bo‘lishicha, 2019-yilning mart oyida Orlandining qarindoshlari qizning jasadi qoldiqlari Tevton qabristonidagi kitob ushlagan farishtalar haykali oldidagi qabrlarning birida yashiringan bo‘lishi mumkinligi haqida anonim xat olgan.
Shundan so‘ng Vatikan qabrlarni ochishga ruxsat bergan. Ularda nemis malikalari — 1836-yilda vafot etgan Sofiya fon Gogenloe va undan 4 yil o‘tib vafot etgan meklenburglik Karlotta Federika ko‘milgan bo‘lgan. Biroq qabrlar ochilganda ularning hech birida malikalarning ham, Orlandining ham jasadi qoldiqlari topilmagan.
Xabarda aytilishicha, Vatikan qabrlardan malikalarning jasadlari qachon olib ketilganini aniqlash maqsadida qabristonda XIX asr oxiri va 1960-yillarda amalga oshirilgan ishlar haqidagi hujjatlarni o‘rganib chiqish niyatida.
Izoh (0)