Jizzax viloyatida tashkil etilgan Mirzo Ulug‘bek nomidagi O‘zbekiston Milliy universitetining filialida talabalarga bir qator imtiyozlar beriladi.

Jizzax viloyati hokimligining “Daryo”ga ma’lum qilishicha, talabalarga yaratiladigan imtiyozlar quyidagilardan iborat:

• Filialda to‘liq “5” bahoga o‘qiydigan talabalar uchun 1 million so‘mdan viloyat hokimining stipendiyasi beriladi;
• Bir yilda bir marotaba barcha talabalar uchun o‘g‘il, qizlarga qishgi va yozgi kiyimlar bir marotaba bepul beriladi;
• “5” bahoga kontrakt asosida o‘qiydigan talabalar uchun kontrakt mablag‘ini homiylar tomonidan to‘lab beriladi;
• Yotoqxonada yashaydigan talabalar uchun nonushta, tushlik va kechki ovqat 4 yil mobaynida homiylar tomonidan yetkazib beriladi;
• Filialga qabul qilingan talabalar hamda darslarni yuqori saviyada o‘tkazib, yaxshi natija ko‘rsatgan o‘qituvchilar bir yilda bir marotaba Yaponiya, Rossiya va Janubiy Koreyada bir oylik o‘z malakalarini oshirib keladi.