AQSh prezidenti Donald Tramp o‘zining Twitter’dagi sahifasida kriptovalyutalar ishonchsiz ekanligi, jinoyatchilar jumladan, giyohvand moddalar savdogarlariga xizmat qilishini yozib qoldirdi. “Vesti.ru”ning yozishicha, Oq uy rahbarini, shuningdek, Facebook ijtimoiy tarmog‘ining “Libra” nomli o‘z kriptavalyutasini yaratish qarori ham g‘azablantirgan.

Foto: Regnum

AQSh Federal zaxira tizimi shu zahotiyoq bu borada o‘z xavotirini bildirdi. Tramp esa aniq ko‘rsatma berdi — agar Facebook yoki boshqa kompaniyalar bankka aylantirilsa, ular tegishli tartibdan o‘tib, litsenziya olishi lozim. AQShda esa Donald Trampning fikriga ko‘ra, dunyoda hukmron bo‘lishi kerak bo‘lgan faqat bitta valyuta — Amerika dollari qoladi.