Twitter ijtimoiy tarmog‘ida global uzilishlar kuzatilmoqda. Bu haqda Downdetector servisidagi ma’lumotlarga tayanib, “RBK” xabar berdi.

Foto: Flickr

Ma’lum bo‘lishicha, servis g‘arbiy Yevropa mamlakatlari, AQSh, Rossiya, Ukraina va Yaponiyada ishlashdan to‘xtagan. Ijtimoiy tarmoqning nafaqat veb-versiyasi, balki iPhone va Android’dagi mobil ilovalari ham ishlamay qolgan.

Ijtimoiy tarmoq vakillari sodir bo‘lgan uzilishlarga hozircha izoh bermadi.