Reper L’One (haqiqiy ismi — Levan Goroziya) Black Star musiqiy leybli, uning egasi Timur Yunusov (Timati) va bosh direktor Pavel Kuryanovni sudga berdi. Meduza’ning yozishicha, da’vo arizasi 5-iyul kuni ro‘yxatga olingan.
L’One Black Star leyblida 2012-yildan buyon artistlik qilgan. Iyun oyida reper o‘zining Instagram’dagi sahifasida leybl bilan shartnomani bekor qilganini, sobiq hamkorlar uning qo‘shiq va taxallusiga bo‘lgan mualliflik huquqini tortib olmoqchi ekanini ma’lum qilgan.
Timati esa izohlarda L’One shartnomani “hushyor holda” imzolaganini bildirib o‘tgan.
Leyblning sobiq artisti Kristina Sarkisyan ham 2019-yilning aprel oyida Black Star’ni sudga bergan. Unda shartnoma bekor qilingani sababli Kristina Si taxallusi Black Star’da qolgani bahsga sabab bo‘lgan. O‘shanda Sarkisyan eski taxallusi ostida yangi klip olganida leybl o‘zining Youtube kanalida uning barcha kliplarini o‘chirib tashlagan.
Avvalroq 2019-yilning mart oyida esa Black Star’ni Yegor Krid tark etgan. Leybl Krid taxallusini o‘zida qoldirganini aytgan. Keyinchalik esa artist bilan o‘zaro kelishib, undan foydalanishda davom etishga ruxsat bergan.
Izoh (0)