8-iyul, dushanba kuni futbol bo‘yicha Afrika Millatlar Kubogining 1/8 finali doirasida so‘nggi 2 ta uchrashuv bo‘lib o‘tdi.
Kunning dastlabki o‘yinida Kot-d’Ivuar terma jamoasi Mali termasiga qarshi maydonga tushdi.
Bellashuvdagi yagona golga 76-daqiqada iuvarlik yarim himoyachi Uilfrid Zaha mualliflik qildi.
Shu tariqa Kot-d’Ivuar musobaqaning nimchorak finalida Malini kichik hisobda taslim etib, chorak finalga yo‘llanmani qo‘lga kiritdi (1:0).
Endi ivuarliklar 11-iyul kuni bo‘lib o‘tadigan 1/4 final bahsida Jazoir bilan o‘ynaydi. Uchrashuv Toshkent vaqti bilan soat 21:00 da start oladi.
Shu kuni Tunis termasi Gana bilan bahsga kirishdi.
Uchrashuvning 73-daqiqasida tunislik hujumchi Yassin Henissi hisobni ochgan bo‘lsa, 90-daqiqaga kelib Tunis himoyachisi Rami Bedui o‘z darvozasiga gol urib qo‘ydi.
O‘yinning asosiy vaqti 1:1 hisobida yakuniga yetdi. Penaltilar seriyasida esa tunisliklar Ganani 5:4 hisobida mag‘lub etdi va musobaqadagi yurishini davom ettiradigan bo‘ldi.
Tunis 1/4 finalda Madagaskarga qarshi maydonga tushadi. To‘qnashuv 11-iyul kuni soat 00:00 da boshlanadi.
Afrika Millatlar Kubogi
1/8 final bahsi
8-iyul, dushanba
Mali—Kot-d’Ivuar 0:1
Gol: 0:1 — 76 ZahaGana—Tunis 1:1 (4:5—penaltilar seriyasi)
Gollar: 0:1 — 73 Henissi, 1:1 — 90, penalti, avtogol, BeduiYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)