Germaniyaning Frankurt-na-Mayn shahrida topilgan Ikkinchi jahon urushiga tegishli bomba sabab 16 mingdan ortiq aholi evakuatsiya qilindi, deb xabar beradi Tengrinews.
Og‘irligi 500 kilogramm bo‘lgan bomba Yevropa markaziy banki yaqinida olib borilayotgan qurilish ishlari vaqtida topilgan. Ma’lumotlarga ko‘ra, bombani zararsizlantirish uchun bir necha kun kerak bo‘lgan.
Aholining asosiy qismi 7-iyul kuni evakuatsiya qilingan.
Shuningdek, evakuatsiya shaharlararo transport harakatlariga ham ta’sir ko‘rsatgan, poyezdlar shaharni aylanib o‘tgani sabab 40 daqiqa ortiqcha vaqt sarflangan. Tramvay va avtobuslar harakati to‘xtatilgan. Germaniyadagi eng katta aeroport jadvali ham o‘zgarishsiz qolmadi.
Izoh (0)