7—9-iyul kunlari Yaponiya vakillar palatasi deputati, Ta’lim, madaniyat, sport, fan va texnologiyalar vazirining parlament o‘rinbosari Xiroyuki Nakamura rahbarligidagi delegatsiya yurtimizga tashrif buyuradi deb xabar beradi Oliy va o‘rta maxsus ta’lim vazirligi matbuot xizmati
Tashrif doirasida 8-iyul kuni Toshkent davlat iqtisodiyot universitetida O‘zbekiston va Yaponiya rektorlarining III konferensiyasi bo‘lib o‘tadi. Uchrashuvda Yaponiyaning Ta’lim, madaniyat, sport, fan va texnologiyalar vazirligi vakillari, Nagoya, Mie, Tsukuba, Aiti va Vakayama kabi nufuzli universitetlar rektorlari, prorektorlari va fakultet dekanlaridan tarkib topgan 45 kishilik yapon delegatsiyasi ishtirok etadi.
Konferensiyada oliy ta’lim tizimida arxitektura va qurilish, muhandislik, texnologiyalar hamda ijtimoiy-gumanitar sohalardagi hamkorlikni kengaytirish masalalari muhokama qilinadi.
Tashrif doirasida Yaponiya delegatsiyasi Samarqand shahriga sayohat uyushtiradi hamda Samarqand davlat universiteti jamoasi bilan uchrashadi.
Ma’lumot uchun, O‘zbekiston va Yaponiya rektorlarining I va II konferensiyalari 2010-yilda (Yaponiyada) va 2015-yilda (O‘zbekistonda) o‘tkazilgan.