Jizzax viloyatida joylashgan “Forish” poligonida Mudofaa vazirligi qo‘shinlarida “Jangovar mashinalar biatloni – 2019” musobaqasining final bosqichi o‘tkazilmoqda. Bu haqda Mudofaa vazirligi Axborot va ommaviy kommunikatsiyalar departamenti “Daryo”ga ma’lum qildi.
“Xalqaro armiya o‘yinlari maydoni”da o‘tkazilayotgan musobaqaning dastlabki kunida BTR-70 jangovar mashinalari ekipajlari birinchilik sari o‘zaro kurash olib bordi.
“Shimoliy-g‘arbiy, Toshkent va Sharqiy harbiy okruglarning BTR-70 ekipaj jamoalari o‘z mahoratlarini namoyish etdi. Har bir jamoa musobaqaga jiddiy tayyorgarlik ko‘rgan. Bu ularning biri-biridan murakkab to‘siqlarni zabt etishidan yaqqol namoyon bo‘lmoqda. Har bir to‘siq zamonaviy kameralar bilan jihozlangani hakamlar hay’ati uchun musobaqani onlayn tarzda kuzatib borish, musobaqani xolisona baholash imkonini bermoqda”, — deyiladi xabarda.
BTR-70 jangovar mashinalar bellashuvida Markaziy harbiy okrug birinchi o‘rinni qo‘lga kiritdi. Ikkinchi o‘rin Toshkent harbiy okrugi jamoasiga nasib etgan bo‘lsa, Qurolli Kuchlar akademiyasi 3-o‘ringa loyiq deb topildi.
Musboqaning ikkinchi kunida BMP jangovar mashinalari o‘zaro kurash olib bordi. Yakka tartibda harakatlangan texnikalar har bir shartni muvaffaqqiyatli bajarishga, har bir daqiqiqadan unumli foydalanishga harakat qildi. Ushbu yo‘nalishda Qurolli Kuchlar akademiyasi jamoasi 1-o‘rinni, Janubi-g‘arbiy maxsus harbiy ourug jamoasi esa ikkinchi o‘rinni egalladi. Ertaga esa BMD ekipajlari o‘z mahoratlarini namoyish etadi.
Mudofaa vazirligi miqiyosida o‘tkazilayotgan mazkur musobaqa 7 iyulga qadar davom etadi. G‘olib va sovrindorlarga Mudofaa vazirligi tomonidan qimmatbaho sovg‘alar, malaka toifani bir pog‘ona ko‘tarish, mamlakatimizda ishlab chiqarilgan yengil avtomobillar sotib olishga imtiyozli kreditlar ajratish belgilangan.
Izoh (0)