AQShlik qoralovchilar meksikalik narkobarondan 12 mlrd dollar talab qildi

AQShlik qoralovchilar El Chapo (Pakana) laqabi bilan mashhur bo‘lgan meksikalik narkobaron Xoakin Gusmandan davlat g‘aznasiga 12 milliard dollar talab qildi. Bu haqda “Interfaks” xabar berdi.

Qoralovchilar bergan ma’lumotga ko‘ra, Gusmanning giyohvand moddar savdosi bilan shug‘ullangan paytda olgan mulki shunchaga baholangan. Narkobaronning himoyachisi esa mijozida buncha pul yo‘qligini ta’kidlamoqda.

Sud jarayoni materiallariga ko‘ra, qoralovchilar aybdorning zarur miqdordagi mablag‘ga egaligini isbotlashga majbur emas. Jarima jazoga tortish jarayonining bir qismi sifatida qaraladi.

Gusmanning sobiq savdo sheriklaridan bo‘lgan guvohlar Nyu-Yorkda 1 kilogramm kokainni 35 ming dollarga sotilganliklarini aytgan. Ular istalgan shtatda 1 kilogramm kokainni 55 ming dollargacha sota olgan.

Xoakin Gusman uzoq vaqt davomida “Sinaloa” narkokarteliga rahbarlik qilgan. Fevral oyida u jinoiy uyushma tashkil etishda, narkotik moddalar savdosida va qochishda aybdor deb topilgan.

Hozirda u Manxetten qamoqxonasida saqlanmoqda. Uni muddatidan avval shartli ozod etish huquqisiz umrbod ozodlikdan mahrum etish jazosi kutmoqda. Jazo muddati 17-iyuldan boshlab amal qilishi kutilmoqda.