“Daryo” tahririyatiga Qashqadaryo viloyati G‘uzor tumanida istiqomat qiluvchi tarqoq skleroz kasalligiga chalingan Dildora Toshanova yordam so‘rab murojaat qildi.
Dildora opa tarqoq sklerozga chalingunicha tuman telekanali va gazetasida muxbirlik qilgan. Kasallik sabab mehnat qilishga, sevgan kasbi bilan shug‘ullanishga ham imkoni bo‘lmay qolgan.
“2007-yilda chuqur sezgi organlarim faoliyati sustlashdi. Ahvolim kundan kunga og‘irlashib borardi. Moddiy tomondan imkonim yo‘qligi sabab tumanimizdan boshqa joyga borib davolana olmadim. Oradan 12 yil o‘tib poytaxtdagi shifoxonalarning biriga tekshiruvga bordim. Dorilar qimmatligi uchun ularni olishga, davolanish kurslarini davom ettirishga qo‘lim kaltalik qildi. Angladimki, bu dunyoda hammaga faqat sog‘ bo‘lgan paytingizdagina kerak ekansiz. Erim davolanishimga katta pul kerakligini bilib, ‘menga kasal xotin kerak emas’ deb tashlab ketdi. To‘rt bola bilan yolg‘iz qolaverdim. Hozir aliment hisobiga yashayman.
Tarqoq skleroz shunday yomon kasallikki, hech narsani his qilmayman. Birov suyamaguncha o‘zim mustaqil yurolmayman. Faqatgina ko‘rib bilaman. Kasalligim muddatidan o‘tib ketgan davolab bo‘lmaydi. Tobora to‘shakka mixlanib boryapman. Lekin muolajalar orqali buni ortga surish mumkin. To‘rtta farzandim bor. Ikkitasi hali go‘dak. Hech yo‘q ular ulg‘aygunicha sog‘-salomat turishim kerak. Saxovatpesha yurtdoshlarimizdan davolanishim uchun moddiy yordam berishlarini iltimos qilaman va yaxshiliklarini hech qachon unutmayman”, — deydi Dildora opa.
Biz saxiy insonlardan ushbu oilaga va Dildora Toshanovaning davolanishi uchun xolis moddiy yordam berishlarini so‘raymiz.
Xayriya qilmoqchi bo‘lganlar uchun kerakli ma’lumotlar:
Plastik karta orqali: (Click, Payme)
Dildora Toshanova nomiga ochilgan
Xalq banki: 8600 0609 0922 0783
Xalq banki Qashqadaryo viloyati G‘uzor tumani filialida Dildora Toshanovaning nomiga ochilgan rekvizitlari:
MFO: 00692 INN: 200679866
Hisob raqami:
23120000 400000 692100
Xorijiy davlatlardan mablag‘ yuborib yordam bermoqchi bo‘lganlar onasini pasport ma’lumotlari:
Toshanova Dildora Muxtorovna
Pasport raqami: AB 7178971
Bemor Dildora opaning telefon raqami:
+998 91 454 76 65
Izoh (0)