Coscom (Ucell savdo belgisi) kompaniyasi vakili Ibrohimjon Umarov hamkasblari bilan birgalikda Qo‘qon shahrining aniq fanlar yo‘nalishidagi 32-ixtisoslashtirilgan maktabiga kompyuter sinfini jihozlash maqsadida barcha jihozlarni olib keldi. Bu haqda kompaniya matbuot xizmati ma’lum qildi.
Maktab direktori Gulchehra Qayumova va uning o‘quvchilari 10 ta HP Pavilion Desktop Computer, Intel Core i5-7400 kompyuterlarini qabul qildi.
Shuningdek, kompaniya ushbu kompyuter sinfini internet bilan to‘liq ta’minlash maqsadida 5 ta Huawei Wi-Fi routerlarini hamda Manager L tarifida (oyiga 10000 Mb) sim kartalar bilan jihozlangan 5 ta Artel Z5 smartfonlarini topshirdi.
Izoh (0)