1-iyulga o‘tar kechasi soat 00.45 da Toshkent viloyatining Toshkent tumanidagi avtomobil halqa yo‘lida joylashgan “Obod kapital” MChJga qarashli yoqilg‘i quyish shoxobchasida alangalanish ro‘y bergani haqida ma’lumot kelib tushdi.
Oradan 10 daqiqa o‘tib hodisa joyiga 12 ta o‘t o‘chirish mashinasi yetib keldi. Xodimlar sa’y-harakati bilan soat 01.24 da yong‘in jilovlandi, soat 01.46 da esa to‘liq bartaraf etildi.
Hodisa oqibatida shoxobchaning 34 yashar xodimi kuyish jarohati oldi va kasalxonaga yotqizildi. Operator xonasi tomi, “Chinobod” neftbazasiga qarashli “MAZ” benzovozi, shuningdek, Matiz avtomobili yonib ketdi.
Shoxobchaning 150 kvadrat metr maydoni va 50 tonna yoqilg‘ini asrab qolishga muvaffaq bo‘lindi.
Izoh (0)