O‘zbekistonlik professional bokschi Shahram G‘iyosov “Daryo” internet-nashri uchun eksklyuziv intervyu berdi. Intervyuni jurnalist Feruz Muhammad tashkillashtirdi.
Suhbat davomida Shahram G‘iyosov “Hasanboy yutqizishni boshladi, uylangani uchun kuchi ketib qoldi”, degan gap-so‘zlarga munosabat bildirdi.
Hasanboy Do‘stmatov shug‘ullanishi har doimgidek, u xarakter tomondan bo‘ladimi yoki insoniylik tomonidanmi, hech qachon o‘zgarmaydi. Uni juda hurmat qilaman. Mag‘lubiyatining sababi esa, birinchi navbatda vaznini o‘zgartirgani, deb o‘ylayman.Hasanboyning bo‘yi ham, jangga tushish texnikasi ham 49 kilogrammga mo‘ljallangan. Hozir uning vazni 52 kilogrammgacha ko‘tarilgan. Shunda ham Hasanboy hamma bilan teng uchrashuvlar olib bormoqda. Ammo ikki marta hindistonlik raqibiga yengildi. Bunga u vaznini ko‘targani sabab bo‘ldi.
Vazn ko‘tarilgandan keyin sportchi 2-3 yil o‘ziga kelishi kerak. Hasanboy esa bu vaznga hali moslashmadi. Muxlislar esa unga vaqt bermasdan, tanqidni boshlab yuborishdi.
U O‘zbekiston uchun ko‘p narsa qildi. Jahonda, Osiyoda muvaffaqiyat qozondi. 16 yil deganda Olimpiada chempioni bo‘ldi.
‘Hasanboy yutqizishni boshladi, uylangani uchun kuchi ketib qoldi’, degan gap-so‘zlar tarqaldi. Gap bunda emas. Asosiy sabab uning vazni o‘zgarganida. Xudo xohlasa, bir yillardan keyin Olimpiadada yana yaxshi natijalarni ko‘rsatadi.
Shahram G‘iyosov, bokschi
Izoh (0)