U intellektual mulk bilan bog‘liq bahslarning siyosiylashtirilishini bartaraf etadi.
Huawei kompaniyasi bugun innovatsiya va intellektual mulk (IM) bo‘yicha rasmiy hujjatni e’lon qildi hamda ushbu masala borasidagi bahslarning siyosiylashtirilishiga qarshi ekanligini bildirdi. Kompaniyaning bosh qarorgohida tashkil etilgan matbuot anjumanida Huawei bosh huquqshunosi Song Lyupinning aytishicha, intellektual mulk har bir innovatsiyaning poydevori hisoblanadi va unga siyosiy tus berishga harakat qilish jahondagi taraqqiyotga xavf tug‘diradi.
“Agar siyosatchilar intellektual mulkdan siyosiy qurol sifatida foydalanishsa, ular bu qilmishlari bilan patentlarni himoya qilish tizimiga bo‘lgan ishonchni yakson qiladilar. Agar ayrim hukumatlar muayyan kompaniyalarni saralagan holda ularga tegishli intellektual mulkdan mahrum etsa, bunday harakat pirovardida global innovatsiyalar poydevorining darz ketishiga sabab bo‘ladi.
“Intellektual mulkni hurmat qilish va uni himoyalash innovatsiyalar asosi” deb nomlangan hujjatda Huawei kompaniyasining bu boradagi tajribasi, shuningdek, innovatsiyalar taraqqiyotiga va intellektual mulk huquqini himoyalashga qo‘shgan hissasi to‘g‘risida batafsil ma’lumot beriladi.
Hujjatda innovatsiyalar va intellektual mulk huquqini himoya qilish Huawei kompaniyasining 30 yillik muvaffaqiyatli faoliyatining asosi ekanligi qayd qilingan. 2018-yilning yakuniga qadar Huawei jami 87 805 ta patentni ro‘yxatdan o‘tkazgan bo‘lib, ulardan 11 152 tasi AQSh patentlari hisoblanadi. 2015-yildan buyon Huawei litsenziyalash faoliyatidan 1,4 mlrd dollar miqdorida daromad ko‘rgan.
Huawei o‘z patentlarini to‘plashdan tashqari, boshqa kompaniyalarga tegishli intellektual mulkdan qonuniy ravishda foydalanish uchun 6 milliard dollardan ortiq gonorar to‘lagan. Hujjatga ko‘ra, ushbu miqdorning deyarli 80% qismi Amerika kompaniyalarining hissasiga to‘g‘ri keladi.Intellektual mulk qonun bilan himoyalangan xususiy mulk shakli hisoblanadi va u bilan bog‘liq bahslar sud tartibida hal etilishi lozim, dedi Song Lyupin. Bundan tashqari, u o‘tgan 30 yil mobaynida biror bir sud
Huawei kompaniyasini intellektual mulkni g‘arazli tarzda o‘g‘irlashda ayblab xulosa bermaganini va kompaniyaga bu borada zararni qoplash haqida hech qanday talab qo‘yilmaganini qo‘shimcha qilib o‘tdi.
Huawei ishlab chiqqan ilg‘or texnologiyalarning 3G, 4G va 5G tarmoqlarini boshqaradigan ochiq standartlarga birlashtirilgani haqidagi oddiy fakt ham, uning intellektual mulkka hurmat bilan yondashishini isbotlaydi. Buning natijasida hatto Huawei kompaniyasidan to‘g‘ridan to‘g‘ri mahsulot xarid qilmaydigan mamlakatlar ham uning tayanch patentlaridan foydalanadilar va Huawei yaratgan texnologiyalarning afzalliklaridan bahramand bo‘ladilar.
Song Lyupin, shu bilan birga, patentlardan foydalanish borasidagi Huawei pozitsiyasiga ham e’tiborni qaratib, u o‘z patentlaridan yuzaga keladigan bahslarda qurol sifatida foydalanmasligini bildirdi. Uning so‘zlariga ko‘ra, FRAND tamoyiliga amal qilishda Huawei ochiq va hamkorlikka asoslangan yondashuvni tanlaydi, boshqa so‘z bilan aytganda, u tegishli tomonlar bilan patent litsenziyasiga bog‘liq munosabatlarda “xolislik, mantiqiylik va tenglik” tushunchalari asosida ish tutadi.
“Har doimgidek Huawei o‘z texnologiyalarini dunyo bilan bo‘lishishga tayyor. Bular 5G standartiga oid yechimlarni ham qamrab oladi. Bular AQSh kompaniyalari va iste’molchilarini ham chetlab o‘tmaydi. Birgalikda biz mazkur sohani rivojlantiramiz va butun insoniyat uchun texnologiyalarni kuchaytiramiz”, deb ta’kidladi Song lyupin.
Hujjatda, shuningdek, uzluksiz innovatsiyalarning Huawei taraqqiyotiga qo‘shgan hissasi, ularning ijtimoiy qiymati va Huawei kompaniyasining boshqa tomonlarga va o‘ziga tegishli intellektual mulk huquqiga doir pozitsiyasi aks ettirilgan.Rasmiy hujjatning to‘liq versiyasini bu yerdan yuklab olish mumkin: PDF(400KB)
Reklama huquqi asosida.
Izoh (0)