Issiqko‘lda O‘zbekiston fuqarosining suvga cho‘kib ketishi bilan bog‘liq baxtsiz hodisa yuz berdi. Bu haqda O‘zbekiston Tashqi ishlar vazirligining Konsullik-huquqiy departamenti xabar bermoqda.
Xabar berishlaricha, 28-iyun kuni Issiqko‘ldagi “Kirgizkoye vzmorye” sanatoriysi plyajida O‘zbekiston fuqarosi T.L. suvga cho‘kib halok bo‘lgan.
O‘zbekistonning Bishkekdagi elchixonasi Konsullik bo‘limi vaziyatni nazoratga olgan.
“Marhumaning qarindoshlariga jasadni O‘zbekistonga olib chiqish bo‘yicha konsullik-huquqiy masalalarni hal qilishda yordam berilmoqda”, — deyiladi xabarda.
Izoh (0)