2019-yilning 25-iyun kuni Turkmanistonda himoyalanmagan temir yo‘l o‘tish joyida yuk avtomobili poyezd bilan to‘qnashib ketishi oqibatida haydovchi, O‘zbekiston fuqarosi R.A. jarohatlangan. Bu haqda O‘zbekistonning Turkmanistondagi Elchixonasi bergan ma’lumotga tayanib, Tashqi ishlar vazirligi xabar qiladi.
U Turkmanistonning Ahal viloyati Bozmeyin shifoxonasiga joylashtirilgan. Uning holati qoniqarli deb baholanmoqda.
Hozirgi paytda hodisaning barcha tafsilotlarini aniqlash hamda jarohatlangan fuqaroga zarur gumanitar va konsullik-huquqiy yordam ko‘rsatish uchun Elchixona xodimlarini kasalxonaga yuborishni rejalashtirmoqda.
Konsullik-huquqiy departamenti Turkmaniston hududida bo‘lib turgan O‘zbekiston fuqarolariga ular zarur holatlarda O‘zbekistonning Ashxobod shahridagi Elchixonasiga quyidagi telefon raqami orqali murojaat qilishlari mumkinligini eslatib o‘tadi: +993-12-36-90-55.
Izoh (0)