Tadbirkor Alisher Usmonov Tulaning “Arsenal” klubiga 600 million rubl mablag‘ ajratdi. Bu haqda “Sport-Ekspress” xabar berdi.
“Arsenal” Yevrokuboklarga chiqqandan so‘ng klub rahbariyati qo‘shimcha mablag‘ izlashga kirishgan va Usmonovga murojaat qilgan.
Usmonovning vakili ham klub uchun 600 million rubl ajratilishini tasdiqlagan.
Ma’lumot uchun, Tulaning “Arsenal” klubi 2018/19-yilgi mavsum Possiya Premyer ligasida 6-o‘rinni egalladi va Yevropa Ligasi saralash bosqichiga yo‘llanmani qo‘lga kiritdi.
Eslatib o‘tamiz, o‘tgan yilning avgust oyida Usmonov Londonning “Arsenal” klubidagi 30 foiz aksiyasini amerikalik milliarder Sten Kronkega 550 million funt evaziga sotib yuborgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)