27-iyunning e’tiborga molik yangiliklari — “Daryo” dayjestida.
Yulduz Usmonova Gulnora Karimovani qo‘llab-quvvatlagan xonandalarni tanqid qildi.
O‘zbekiston xalq artisti Yulduz Usmonova o‘zining Instagram sahifasiga Gulnora Karimovani qo‘llab-quvvatlayotgan va unga ozodlik so‘rayotgan xonandalarni tanqid qilgan videosini joyladi.
***
“Beruniy” metro bekatida 28 yoshli yigit relsga yiqilib ketdi.
Voqea 27-iyun kuni soat 9:20 larda sodir bo‘lgan.
Shunga o‘xshash holat 26-iyunda taxminan soat 17:00 larda “O‘zbekiston” metro bekatida ham yuz bergan edi.
***
Toshkentdagi “Bekto‘pi” bozori omborida yong‘in yuz berdi.
Qurbonlar va jabrlanganlar yo‘q. Yong‘in natijasida 200 kv. m maydondagi ombor va u yerda saqlangan mahsulotlar (oboylar, laminat) yonib ketgan.
***
Moliya vazirligi Gulnora Karimova tomonidan davlat foydasiga 1,2 mlrd dollar o‘tkazilganini tasdiqlamadi.
Davlat budjetiga undirilgan mablag‘larning fuqarolar kesimidagi hisobi Moliya vazirligi tomonidan yuritilmaydi. Bunda o‘tgan yili va joriy yilning birinchi yarmida ko‘rsatilgan miqdorda mablag‘lar budjetga kelib tushmadi, deyiladi xabarda.
Avvalroq Gulnora Karimova qizi Imon orqali “O‘zbekiston hududidagi 1,2 milliard dollar miqdoridagi shaxsiy aktivlarim menga tegishlilikdan chiqqani va respublika budjeti uchun ishlayotganini bildirmoqchiman. Bu holat bir necha mahalliy tekshiruvlar davomida o‘z tasdig‘ini topgan”, — deya bayonot tarqatgan edi.
***
Oliy sud Rashid Qodirov sheriklari ichida eng kam qamoq muddatini olgani sababini tushuntirdi.
Sudning hukmi bilan aybli deb topilgan jinoyatlari uchun Rashidjon Qodirovga, JK 50-moddasining 6-qismi tartibida 10 yil ozodlikdan mahrum qilish va eng kam oylik ish haqining 500 baravari miqdorida jarima jazosi tayinlandi. Shuningdek, U. Sunnatov 19 yilga, A. Mirzayev 15 yilga, U. Xurramov 14 yilga, J. Fayziyev 13 yilga, L. Musashayxov 13 yilga ozodlikdan mahrum qilingan edi.
Izoh (0)