O‘zbekiston Qozog‘istondan benzin oladigan birinchi mamlakat bo‘ladi. Bu haqda “Podrobno.uz” xabar berdi.
Olmaotada bo‘lib o‘tgan “Qozog‘iston va Markaziy Osiyoda Argus neft va gaz bozori 2019” xalqaro konferensiyasining norasmiy qismida aytilishicha, joriy yilning iyul oyida yoqilg‘ining birinchi partiyasini jo‘natish rejalashtirilgan.
“Barcha benzin jahon narxlarida eksport qilinadi. Ular arzon narxda sotilmaydi. Hamma transfert shartlari ostida ishlaydi. Ehtimol, iyulda Qozog‘iston yoqilg‘isi yetkazib berish nazariy jihatdan ta’minlanadi”, — deydi Kazenergy bosh direktori Bolat Akchulakov.
Bundan tashqari, Belarus, Armaniston va Qirg‘iziston bilan hozircha faqat yetkazib berish bo‘yicha muzokaralar olib borilayotganini qo‘shimcha qildi.
Avvalroq, energetika vaziri Qanat Bozumbayev Qozog‘iston 70 ming tonna AI-92 benzinini eksport qilishni rejalashtirayotganini aytgan edi. Hozirgi vaqtda xorijiy pudratchilar bilan yonilg‘i ta’minoti uchun shartnoma tuzish bo‘yicha ish olib borilmoqda.
Izoh (0)