Bir necha kun oldin Facebook ijtimoiy tarmog‘i va Telegram kanallarida UzReport telekanaliga intervyu berish jarayonida qog‘ozga qarab gapirgan senator Sayyora Abdukarimovaning surati keng tarqalgan edi. Repost senator nima sababdan teleboshlovchining qo‘lidaga qog‘ozga qarab intervyu berganiga oydinlik kiritdi.
Birinchidan, bu jiddiy siyosiy tadbir edi va katta hajmdagi matnni yodlab qolish qiyin. Ikkinchidan, jurnalistga men yangi qonun to‘g‘risida intervyu berayotgan edim. Butun boshli qonunni o‘qib bermaymanku, shu sababli xatoga yo‘l qo‘ymaslik uchun matn tayyorlab qo‘ygandim. Gap juda keng ko‘lamli mavzu haqida ketayotgan edi va intervyu vaqtida 30 dan ortiq mamlakat nomini sanab o‘tish kerak bo‘lgan joyi boriydi. Men davlatlar nomini sanashda va terminlarni aytishda xatolikka yo‘l qo‘yishni istamadim.Sayyora Abdukarimova — Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi a’zosi, “Yuksalish” umummilliy harakatining Xorazm viloyati bo‘limi rahbari.Ayrim terminlar va jumlalarda qo‘yilgan xatolar xalqqa noto‘g‘ri yetib borishi mumkin. Shu sababli o‘zimning xatti-harakatlarimni sharmandali va muhokama qilishga arziydigan holat deb hisoblamayman.
Sayyora Abdukarimova, senator
Izoh (0)