MTS 13 yilda ilk marta logotipini o‘zgartirdi

Rossiyaning MTS aloqa kompaniyasi logotipi, shiori va konsepsiyasi o‘zgarganini ma’lum qildi, deb xabar berdi “Vesti.ru”.

Yangi brend qo‘llangan ilk reklama kampaniyasi 24-iyundan boshlanishi ma’lum qilingan. Kompaniyaning avvalgi “Sen bilasan, sen qila olasan!” shiori o‘rniga “Har kuni yaxshiroq bo‘lish” deyilgan yangi shiori paydo bo‘ladi.

Kompaniya oxirgi marta katta ko‘lamli rebrendingni 2006-yilda o‘tkazgan. O‘shanda kompaniya sariq rangdagi sim-kartadagi MTS va GSM yozuvlarini oq rangdagi tuxum va MTS yozuvli logotipga o‘zgartirgan.

2010-yildan kompaniya o‘z logotipiga bir necha marotaba kichik o‘zgartirishlar kiritgan. Jumladan, ularni uch o‘lchamli ko‘rinishga keltirgan, shriftlarni yangilagan.

https://twitter.com/ru_mts/status/1143222193633079298