Moskvada metroning “Elektrozavodskaya” bekati yaqinida ommaviy mushtlashuv sodir bo‘ldi. Bu haqda Sputnik xabar bermoqda.
Ma’lum qilinishicha, pichoqbozlik oqibatida Markaziy osiyolik mehnat muhojiri halok bo‘lgan.
Huquqni muhofaza qiluvchi organ xodimlarining xabar qilishicha, migrantlar mast holatda o‘zaro janjallashgan.
Mushtlashuvda 4 kishi ishtirok etgani taxmin qilinmoqda. Ulardan uch nafari turli jarohatlar bilan shifoxonaga yotqizilgan, yana biri esa olgan jarohatlari tufayli vafot etgan.
Tergovchilar hodisa joyini ko‘zdan kechirib, janjalning barcha ishtirokchilarini aniqlamoqda.
Hodisa yuzasidan jinoyat ishi qo‘zg‘atilgan.
Izoh (0)