Tennesilik sayyoh ayol Janubiy Karolinadagi Cherri-Grouv kurortining 15-qavatidan turib, sayyohlarga juda yaqin suzayotgan akulalarni ko‘rib qoldi, deb yozadi Forum Daily.
Jinjer Gilmer o‘zi guvohi bo‘lgan holatni suratga oldi va suratlarni Facebook’dagi sahifasiga joylashtirdi. Uning aytishicha, o‘sha paytda kamida uchta akula odamlarga yaqin joyda suzib yurgan.
“Bu juda ajoyib, shu bilan birga qo‘rqinchli holat edi. Suvdagi odamlar tevarak-atrofda nima bo‘layotganini xayoliga ham keltirmas edi”, — deb yozadi Gilmer.
Ayolning aytishicha, suratlarni e’lon qilgach u ko‘plab xatlar olgan. Odamlar uning suratlarni e’lon qilganidan norozi bo‘lgan.
“Men Mirtl-Bichga qaytaman, lekin okeanga bormayman. Akulalarni yoqtiraman. Ular ajoyib mavjudotlar”, — deydi Gilmer.
Izoh (0)