Huawei asoschisi Jen Chjenfey kompaniya AQSh tomonidan joriy etilgan sanksiyalar oqibatiga bardosh bera olishini ma’lum qildi, deb xabar beradi “Gazeta.ru”.
Uning so‘zlariga ko‘ra, AQSh tomonidan Huawei’ning qora ro‘yxatga qo‘shib qo‘yilishi kompaniyaning Xitoy bozoridagi faoliyatiga ta’sir ko‘rsatmagan.
Shuningdek, Chjenfeyning qo‘shimcha qilishicha, kompaniyaning 2019-yildagi daromadi 100 milliard dollarga yetadi. “Huawei xuddi qaqnus kabi kuldan qayta tirila oladi”, — deydi kompaniya rahbari.
Eslatib o‘tamiz, joriy yilning may oyida Amerika Savdo vazirligi Xitoyning yirik IT-giganti bo‘lmish Huawei mamlakat milliy xavfsizligiga tahdid solmoqda degan ayblov bilan kompaniyani “qora ro‘yxat”ga qo‘shib qo‘ygandi.
Izoh (0)