Hindistonning Maxarashtra shtatida yashovchi o‘smir ukasini qoplon jangalidan qutqarib qoldi, deb xabar beradi Times of India.
14-iyun kuni buvisining uyiga mehmonga kelgan 14 yoshli Naresh Kaluram Bxala va yetti yoshli Xarshad Vittxal Bxala maymunjon tergani o‘rmonga yo‘l oladi. Yo‘lda ularda butalar orasida berkinib turgan qoplan tashlanib qolgan. Yirtqich hayvon bolalarning kattasiga tashlangan, biroq u chetga qochib qolgani sabab uning kichik ukasi ustiga otilgan.
Naresh yerdan tosh va tayoq olib qoplonni ura boshlaydi. Bolalarning ovozi eshitgan buvi yordamga yetib kelib, o‘roq bilan qoplonni quvib yuborgan. Bolalarni esa zudlik bilan shifoxonaga olib borgan.
Ertasi kuni bolalarga tashlangan qoplonning jasadi ko‘ngilsiz hodisa sodir bo‘lgan joydan 300 metr narida topilgan. Ekspertlarning ta’kidlashicha, qoplonning yoshi 10—12 da bo‘lgan va u qarilikdan vafot etgan.
Izoh (0)