Axborot va ommaviy kommunikatsiyalar agentligida Bosh prokuratura mas’ullari ishtirokidagi muloqotda bu savolga javob berildi.

Foto: Axborot va ommaviy kommunikatsiyalar agentligi

Tergov davomida aniqlanishicha, 2013—2017 yillarda S.Yusupov o‘zini o‘sh paytdagi MXX xodimi sifatida tanishtirib, jami 6 nafar fuqaroning ishonchiga kirgan. Jami 160 ming AQSh dollarini qo‘lga kiritib, ehtiyojlari uchun ishlatib yuborgan.

Bosh prokuratura vakillariga ko‘ra, ushbu jinoyat ishi doirasida barcha aybdor shaxslar javobgarligi qonuniy hal etiladi.

Muloqotda S.Yusupovning rafiqasi, advokatining aytgan gaplari va Bosh prokuratura rasmiy bayonotidagi farqlar sababi so‘raldi.

Ta’kidlanishicha, ayblanuvchilarning yaqinlari ham tergov jarayonlariga oid o‘z qarashlariga ega bo‘lishi hamda iltimosnomalar kiritish huquqiga ega. Ushbu ishda qarindoshlar tomonidan bildirilgan iltimosnomalar asosida Bosh prokuratura jinoyat-protsessual qonunchiligi doirasida maksimal shaffoflikni ta’minlash uchun barcha sa’y-harakatlarni amalga oshirmoqda.