Tashqi ishlar vazirligiga Human Rights Watch nohukumat tashkilotining O‘zbekistondagi vakili Stiv Sverdlov bilan 2019-yilning 13-iyun kuni Toshkent shahrida sodir bo‘lgan voqeaga doir murojaati kelib tushdi. Bu haqda vazirlikning Jamoatchilik va OAV bilan aloqalar boshqarmasi xabarida aytiladi.
“Ayni paytda mazkur masala har tomonlama o‘rganilmoqda. O‘rganishlar yakuniga ko‘ra amaldagi qonunchilikka muvofiq tegishli choralar ko‘riladi.
O‘zbekiston tomoni Human Rights Watch’ning mamlakatimizdagi faoliyatini qo‘llab-quvvatlaydi hamda u va boshqa huquqni himoya qiluvchi tashkilotlar bilan hamkorlikni davom ettiradi”, — deyiladi xabarda.
Avvalroq Human Rights Watch tadqiqotchisi Stiv Sverdlov O‘zbekistonga inson huquqlarining buzilganlik darajasini o‘rganish uchun kelganida agressiv tahdidlarga nishon bo‘lgani xabar berilgan edi.
Izoh (0)