Xorazmlik erkak avval Spark avtomobilini olib qochdi, keyin u bilan to‘qnashuv sodir etdi

Xorazmlik fuqaro birovning avtomobilini olib qochib to‘qnashuv sodir etdi, deb xabar berdi IIV Jamoatchilik va OAV bilan aloqalar boshqarmasi.

Xorazm viloyatining Urganch tumanida 2019-yil 12-iyun kuni tuman IIBga tushgan hujjatlarga ko‘ra, unda shu yil 30-may kuni Mevazor mahallasida yashovchi 46 yoshli M.Q mast holda “Abbos” xususiy dorixonasi oldida 57 yoshli M.A. ismli ayolga tegishli, eshiklari ochiq holda kaliti o‘zida qoldirilgan Spark rusumli avtomashinani haydab qochib, Arboblar mahallasi hududida A.B boshqaruvidagi Nexia rusumli avtomashinaga urilib, to‘qnashuv sodir etganligi ko‘rsatilgan. M.Q ushlangan.

Holat yuzasidan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.