O‘zbekiston Oliy Majlisi Qonunchilik palatasi O‘zbekistonda avtotransport vositasidan foydalanishda yaqin qarindoshlar uchun ishonchnoma olish tizimi bekor qilish to‘g‘risida qaror imzoladi, deb xabar berdi Repost.

Foto: “Gazeta.uz”

Ushbu taklif “Mening fikrim” portalida 14 000 dan ortiq ovoz to‘pladi.

“Mashinasi bor odamlar yaxshi biladi. Bizda shunday tartib belgilanganki, oila a’zolari, yaqin qarindoshlar bir-birining mashinasidan maxsus ishonchnomasiz foydalana olmaydi. Soddaroq aytsak, bitta uyda, hovlida yashasak ham men otamning, otam mening nomimga rasmiylashtirilgan avtotransportdan foydalanishi uchun ancha vaqt va pul sarflab ishonchnoma olishimiz shart. Aka-ukalar, opa-singillar bilan ham xuddi shunday ahvol. Bu ham oilaviy byudjetga zarar, ham hujjat tayyorlash uchun ko‘p vaqt sarflaysiz. Begona odamlarga ishonchnoma berishni tushunish mumkindir, lekin ota-ona bolasi, aka-uka, opa-singil bir-biriga ishonchnoma berishi, ochig‘ini aytsak qadriyatlarimizga ham, mentalitetimizga ham to‘g‘ri kelmaydi”, — deyilgan edi murojaat matnida.

Qayd etilishicha, bunga qadar ishonchnomasiz mashina boshqarish eng kam oylik ish haqining bir baravari miqdorida jarima to‘lashga sabab bo‘lardi, ishonchnomani rasmiylashtirishga 670 ming so‘m boj to‘lanardi.

Davomi: “Mening fikrim” avtotransport vositasidan foydalanishda yaqin qarindoshlar uchun ishonchnoma bekor qilingani haqidagi xabarlarga aniqlik kiritdi