O‘zbekistonlik o‘quvchi xalqaro ingliz tili olimpiadasida g‘olib bo‘ldi

“Wunderkind Study” maktabining 5-sinf o‘quvchisi Rustam Muhammadjonov HIPPO xalqaro ingliz tili olimpiadasida g‘olib bo‘ldi. Bu haqda Xalq ta’limi vazirligi axborot xizmati ma’lum qildi.

Mazkur tanlovda 40 ta davlatdan 36 ming nafar ishtirokchi o‘z bilimini sinab ko‘rdi. 32 ta davlat vakillari final bosqichida Italiyada bellashdi.

Rustam Muhammadjonov eng yuqori 101 ball bilan 1-o‘rinni egalladi. O‘zbekistonlik g‘olibga Amerikaning Mizzou Academy maktabida 2 haftalik bepul ta’lim olish imkoniyati hamda xalqaro ingliz tili tashkilotlari Pearson, IESOL tomonidan sertifikatlar topshirildi.

Shuningdek, o‘zbekistonlik yana bir ishtirokchi — “Lider Ta’lim” maktabining 6-sinf o‘quvchisi Ramiz Zohrabov 85 ball to‘plashga muvaffaq bo‘ldi.