Jazoirda joriy yilning 25—31-may kunlari bo‘lib o‘tgan XVI xalqaro Qur’on musobaqasida 48 davlatdan 48 nafar hofizi Qur’on ishtirok etdi. Ular Qur’oni karimni tajvid qoidasi bilan to‘liq yoddan o‘qib berish bo‘yicha raqobatlashdi, deya xabar beradi O‘zA.
Musobaqada Jazoirlik Ahmad qori Harakat g‘olib bo‘ldi.
Ikkinchi o‘rinni falastinlik Vasim Jadulloh, uchinchi o‘rinni liviyalik Sodiq Ali Miftah egalladi.
Jazoir shahridagi “Al-Jome al-Kabir” jome masjidida bo‘lib o‘tgan musobaqaning taqdirlash marosimiga vaqtinchalik prezident vazifasini bajaruvchisi Abdulqodir bin Solih tashrif buyurdi.
Qayd etish joizki, dastlabki saralashdan muvaffaqiyatli o‘tganlar orasida O‘zbekiston sharafini himoya qilgan hofizul Qur’on, “Ko‘kaldosh” madrasasi talabasi Najmiddin qori Samadov ham bor edi. Unga tashakkurnoma taqdim etildi.
Izoh (0)