2019-yilning 30-may kuni Istanbul shahrining Go‘ztepa mahallasida gilamga o‘ralgan ayol jasadi topilgan. Bu haqda O‘zbekiston Tashqi ishlar vazirligi Istanbuldagi O‘zbekiston Bosh konsulxonasiga tayanib xabar bermoqda.
Ayolning shaxsini aniqlab bo‘lmagan. Voqea joyidan ichida 3 nafar O‘zbekiston fuqarolariga tegishli hujjatlar bo‘lgan qora ayollar sumkasi topilgan.
Bosh konsulxona mazkur holat yuzasidan tekshiruv olib borayotgan jinoyat-qidiruv bo‘limi xodimlari bilan aloqalar o‘rnatgan va ularni o‘zbekistonlik hamkasblari bilan hamkorlik o‘rnatishiga yordam beradi.
Izoh (0)