29-may kechasi O‘zbekiston hududida 4,7 magnitudali zilzila sodir bo‘ldi, deb xabar beradi Telegram’dagi “Podslushano v Buxare” kanali.
Zilzila o‘chog‘i 2 km chuqurlikda joylashgan bo‘lib, unga eng yaqin shahar 37 kilometr uzoqlikdagi 11 ming aholiga ega Gazli shahri.
Talofatlar va jabrlanganlar to‘g‘risida ma’lumot keltirilmagan.
Eslatib o‘tamiz, 1976-yilning 8-aprel hamda 17-may sanalarida, shuningdek, 1984-yilning 20-martida Gazlida kuchli zilzila sodir bo‘lib, shaharga katta talofat yetkazgan.
8 yil ichida 7 magnitudadan yuqori bo‘lgan uch martalik yer osti silkinishlari dunyo seysmologiya tajribasida kamdan-kam hollarda uchraydi.
Izoh (0)