O‘zbekiston musulmonlari idorasi kotibiyati va Axborot-tahlil bo‘limi tashabbusi bilan “Yog‘du” nashriyotida “Men ham namoz o‘qiyman” nomli kitob Brayl yozuvida nashr etildi. Bu haqda O‘zbekiston musulmonlari idorasi matbuot xizmati xabar berdi.
Foto: O‘zbekiston musulmonlari idorasi matbuot xizmati“Ko‘zi ojiz, lekin qalb ko‘zi ochiq mo‘min-musulmonlarimiz uchun ‘Men ham namoz o‘qiyman’ kitobi muborak Ramazon oyining eng katta tuhfasi bo‘ldi”, — deyiladi xabarda.
Ushbu kitobda Islom dinining besh ustunidan biri – namoz o‘qishning tartib-qoidalari Hanafiy mazhabi bo‘yicha sodda, tushunarli bayon qilingan.
Shuningdek, kitobda imon va islom shartlari, tahorat, g‘usl tayammum tartiblari, eng fazilatli duolar haqida ham qisqa va muhim ma’lumotlar keltirilgan.
“Men ham namoz o‘qiyman” kitobi nafaqat O‘zbekistonda, balki Markaziy Osiyoda ko‘zi ojizlar uchun yagona nashr bo‘ldi.
