Xitoy shimolidagi Bayse shahar okrugida joylashgan bar tomi quladi, deb xabar berdi “Vesti.ru”. Oqibatda ikki kishi halok bo‘ldi, yana 83 nafari turli tan jarohatlari oldi.
Ma’lum bo‘lishicha, hodisa 700 kvadrat metr maydonga ega binoning uchinchi qavatida joylashgan “0776” nomli barda 20-mayga o‘tar kechasi sodir bo‘lgan. Qutqaruvchilar 65 kishini evakuatsiya qilgan, 62 kishi shifokorlar nazoratiga olingan, 13 kishiga esa uyiga javob berilgan.
“Qutqaruv operatsiyasiga 160 nafar favqulodda vaziyatlar xizmati xodimlari va 22 ta maxsus texnika jalb etilgan”, — deyiladi xabarda.
Izoh (0)