18-may, shanba kuni futbol bo‘yicha Germaniya Bundesligasining so‘nggi tur o‘yinlari bo‘lib o‘tadi.
Niko Kovach qo‘l ostidagi Myunxenning “Bavariya” klubi “Alyans Arena”da “Ayntraxt Frankfurt”ni qabul qiladi. Qayd etish joiz, “qizillar” 33-turda “Leypsig” bilan durang o‘ynagandi (0:0). Eslatib o‘tamiz, “Bavariya” 75 ochko to‘plagan holda musobaqa jadvalida yetakchilik qilmoqda.
Shu kuni Lyusyen Favr boshliq “Borussiya Dortmund” jamoasi “Borussiya Myunxengladbax” maydoniga safar qiladi. Ikkala uchrashuv ham 18:30 da boshlanadi. Ta’kidlash joiz, dortmundliklar avvalgi turda “Fortuna Dyusseldorf”ni 3:2 hisobida mag‘lubiyatga uchratgandi. Ma’lumot uchun, “Borussiya Dortmund” 73 ochko bilan 2-o‘rinni egallab turibdi.
Bundesliga
34-tur bahslari
18-may, shanba
“Bavariya”—“Ayntraxt F” 18:30
“Shalke-04”—“Shtutgart” 18:30
“Borussiya M”—“Borussiya D” 18:30
“Herta”—“Bayer Leverkuzen” 18:30
“Verder”—“Leypsig” 18:30
“Frayburg”—“Nyurnberg” 18:30
“Mayns”—“Hoffenhaym” 18:30
“Volfsburg”—“Augsburg” 18:30
“Fortuna D”—“Hannover” 18:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)