Toshkent shahar hokimligi uy-joy qurilishi bilan shug‘ullanuvchi tadbirkorlardan xonadonlarni sotib oladi. Bu haqda hokimlik matbuot xizmati ma’lum qildi.
Ushbu tadbir uyi buzilishga tushgan xonadon egalariga kompensatsiya sifatida taqdim etiladigan uy-joylarning joyi, ta’miri hamda boshqa xususiyatlari bo‘yicha tanlov imkoniyatini taqdim etish va buzilishlar natijasida paydo bo‘lishi mumkin bo‘lgan noqulayliklar va e’tirozlarning oldini olish maqsadida amalga oshirilmoqda.
Uy-joy qurilishi bilan shug‘ullanadigan tadbirkorlarga quyidagi talablar qo‘yiladi:
uy-joylar to‘liq ta’mirdan chiqqan va to‘g‘ridan-to‘g‘ri ko‘chib kirib yashash imkoniyatiga ega bo‘lishi;
taklif etilayotgan salohiyatli uylar soni 10 ta xonadondan kam bo‘lmasligi;
kvadrat metri 6 million so‘mdan ko‘p bo‘lmasligi;
uy manzili, yuridik shaxs haqida to‘liq ma’lumotlar, katalog(broshyura), uy-joylar ko‘rinishi aks etgan videomateriallar taqdim etilishi kerak.
Izoh (0)