Farg‘ona viloyati bojxona boshqarmasi xodimlari tomonidan o‘tkazilgan tezkor tadbir davomida “Qo‘qon—Toshkent” yo‘nalishida harakatlanayotgan fuqaro T.S boshqaruvidagi MAN rusumli yuk avtomashinasi to‘xtatilib, xolislar ishtirokida tekshirildi. Bu haqda “Daryo”ga Bojxona qo‘mitasi axborot xizmati xabar bermoqda.
Foto: Bojxona qo‘mitasi axborot xizmati
Tekshiruv davomida avtomashinada 2 xil turdagi qiymati 11,3 million so‘mlik elektr plita va ventilyatorlar ortida qiymati 720,5 million so‘mlik xorijda ishlab chiqarilgan va tegishli hujjati bo‘lmagan 138 dona televizor borligi aniqlandi.
Hozirda mazkur holat yuzasidan tekshiruv harakatlari olib borilmoqda.
