Gruziyaning Tbilisi shahrida 4 yoshli bolakay “O‘rgimchak odam” kiyimida sakkizinchi qavatdan qulab tushib omon qoldi, deb xabar beradi Tengrinews.

Foto: “Pravmir”

Bolakay ko‘plab jarohatlar bilan Gldani tumanidagi shifoxonaga yetkazilgan. Hozirda uning ahvoli qoniqarli baholangan. 14-may kuni bolakayga shifoxonadan chiqishga ruxsat berilgan.

Voqea guvohlarining so‘zlashicha, 4 yoshli bolakay mashhur superqahramonga taqlid qilib o‘zi sakragan.

Bu vaqtda uyda faqat uning buvisi bo‘lgan va u hech nimadan shubhalanmagan. Ko‘ngilsiz hodisa haqida unga qo‘shnilari xabar bergan.

Bolakayni o‘limdan ko‘p qavatli bino oldidagi uzumzor qutqarib qolgan.