Rossiya Tergov qo‘mitasi Polsha vakolatli idoralarining marhum prezident Lex Kachinskiyning samolyoti bo‘laklarini ko‘zdan kechirish haqidagi navbatdagi so‘rovini ma’qulladi. Bu haqda qo‘mita matbuot xizmati ma’lum qilgan.
Erishilgan kelishuvga muvofiq, may oyi oxirida qo‘mita xodimlari Polsha vakillari uchun Smolenskdagi aerodromda saqlanayotgan Tu-154M agregatlari, oraliq bog‘lanmalar, konstruktiv elementlari bilan tanishish imkoniyatini yaratadi.
Samolyot bo‘laklari ashyoviy dalillar maqomiga ega, 2010-yilda boshlangan tergov hozirga qadar yakunlanmagan. O‘sha yili 10-aprelda yuz bergan aviahalokatda 96 kishi, jumladan, Polsha prezidenti Lex Kachinskiy halok bo‘lgandi.
Izoh (0)