Germaniyaning Sono Motors startapi dunyodagi ilk quyosh panelli oilaviy avtomobilni ommaviy ishlab chiqarishni boshladi. Bu haqda “Korrespondent.net” xabar bermoqda.

Foto: Sono Motors

Sion elektromobilini tayyorlash Myunxenda 2016-yilda boshlangandi. Hozirda kompaniya quyosh batareyali gibridni seriyali ishlab chiqarishga hozirlik ko‘rmoqda.

Avtomobilning yuzasida 330 ta fotoelement joylashtirilgan. Elektrpanel quvvatlanishsiz 30 kilometr yo‘l bosishni ta’minlashga qodir. Uni quvvvatlantirish uchun 8 soat talab etiladi, ammo haydovchi rozetkaga bog‘lanib qolmagan.

Shuningdek, avto 250 kilometr zaxiraga ega akkumulyator bilan jihozlangan. U 40 daqiqada 80 foizgacha to‘yinadi.

Gibrid elektromobil shu yil bozorlarga chiqadi. Uning boshlang‘ich qiymati 16 ming yevroga teng.