Shavkat Mirziyoyev Vladimir Putinga hamdardlik bildirdi

Shavkat Mirziyoyev Moskva shahrining “Sheremetyevo” aeroportida samolyotning favqulodda qo‘nishi oqibatida insonlar halok bo‘lgani munosabati bilan Rossiya prezidenti Vladimir Putinga hamdardlik maktubi yo‘lladi. Bu haqda Prezident matbuot xizmati ma’lum qildi.

Davlat rahbari halok bo‘lganlarning yaqinlariga ta’ziya va hamdardlik bildirib, jarohat olganlarning tez fursatda sog‘ayishlarini tiladi.

Rossiya Tergov qo‘mitasiga ko‘ra, “Sheremetyevo” aeroportida samolyotning favqulodda qo‘nishi oqibatida 41 kishi halok bo‘ldi.