O‘zbekistonning Isroildagi elchixonasi 3-may kuni havodan ichimlik suvini ajratib oluvchi qurilma ishlab chiqarishga ixtisoslashgan Watergen kompaniyasi vitse-prezidenti Mixail Rutman bilan muzokaralar olib bordi. Bu haqda Tashqi ishlar vazirligining matbuot xizmati xabar berdi.
Tomonlar hamkorlikni yo‘lga qo‘yish, jumladan, O‘zbekistonda Watergen ishlab chiqarish liniyasini ochish imkoniyatlarini muhokama qildi. Shuningdek, Isroil kompaniyasi agregatini O‘zbekistonning qurg‘oqchil iqlim sharoitida sinovdan o‘tkazish bo‘yicha kelishuvga erishildi.
Unga ko‘ra, yaqin kunlarda Buxoro viloyatida kuniga 900 litr ichimlik suvini ishlab chiqarish imkoniyatiga ega Watergen atmosfera generatori o‘rnatiladi.
Generator sinov davrini rasmiy ishga tushirish hamda muzokaralar olib borish uchun Mixail Rutman 12—16-may kunlari O‘zbekistonga keladi.
Izoh (0)