SAS aviakompaniyasi uchuvchilari ish tashlashni to‘xtatdi

Skandinaviya aviatarmog‘i (SAS) hamda uchuvchilar Kasaba uyushmasi yetti kun davom etgan ish tashlash mojarolaridan so‘ng o‘zaro kelishuvga erishdi. Bu haqda aviakompaniya rahbari Rikard Gustafson ma’lum qildi, deb xabar beradi “RIA Novosti”.

“Men chuqur mamnuniyat bilan mijozlarimiz va hamkasblarimizga shuni ma’lum qilamanki, mojaro ortda qoldi”, — deydi 30 soatdan ortiq Kasaba uyushmasi vakillari bilan o‘tkazilgan muzokaradan so‘ng. Tomonlar yangi shartnomani 3 yil muddatga uzaytirish va ish haqini 3,5 foizga oshirish kelishib oldi.

Aviakompaniyada sodir bo‘lgan ish tashlashlar oqibatida 4 mingga yaqin aviareyslar bekor qilingan edi. Ekspertlarning fikricha, SAS buning oqibatida har kuni 10 million yevrogacha pul yo‘qotgan. Ish tashlash uchuvchilar o‘zlarining ish haqini 13 foizga oshirishni talab qilganidan so‘ng kelib chiqqandi.