Futbol bo‘yicha Angliya Premyer liasining 36-turida “Manchester Siti” hujumchisi “Byornli” darvozasiga gol urdi (1:0).
Bu orqali 30 yoshli argentinalik joriy mavsum musobaqadagi gollari sonini 20 taga yetkazib oldi.
Ta’kidlash joiz, Aguero ketma-ket 5 mavsumdan buyon 20 ta va undan ko‘p gol urmoqda. U Premyer liga tarixida “Arsenal” sobiq hujumchisi Tyerri Anridan keyin shunday natija qayd etgan birinchi futbolchi bo‘ldi.
Eslatib o‘tamiz, Serxio Aguero joriy mavsum 8 ta golga assistentlik ham qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)