“Liverpul” hujumchilari APL to‘purarlari ro‘yxatida peshqadam bo‘lib oldi

Futbol bo‘yicha Angliya Premyer ligasining 36-turida “Liverpul” “Haddersfild”ni 5:0 hisobida mag‘lub etdi.

Mazkur o‘yinda “qizillar”ning ikki hujumchisi Sadio Mane hamda Muhammad Saloh dublga erishdi.

Natijada misrlik futbolchining joriy mavsum Premyer ligadagi gollari soni 21 taga yetdi va u to‘purarlar bahsida yetakchilikni o‘z qo‘liga oldi. Mane esa 20 ta gol bilan ikkinchi o‘rinni egallab turibdi. Undan keyingi o‘rinlarda borayotgan Serxio Aguero (“Manchester Siti”) va Pyer-Emerik Obameyang (“Arsenal”) hisobida esa 19 tadan gol mavjud.

Bundan tashqari Saloh 10 ta golga assistentlik qilgan bo‘lsa, Mane esa 3 ta golli uzatma berishga muvaffaq bo‘ldi.