AQSh harbiy dengiz kuchlari noma’lum uchar jismlar (NUJ)ni aniqlagan uchuvchilar uchun hisobot shaklini ishlab chiqmoqda. Bu haqda CNN xabar bermoqda.
Ushbu yangi direktiv ma’lumot to‘plash jarayonini tartibga solish va aniqlanmagan kuzatuvlarni tahlil qilish imkonini beradi.
HDK vakili so‘zlariga ko‘ra, harbiylar o‘zga sayyoraliklar bilan aloqalari haqida ma’lumot bermaydi, ammo so‘nggi yillarda AQSh havo maydonida paydo bo‘lgan noma’lum samolyotlar haqidagi bir necha hodisalar xabar qilindi. Rasmiylarning aytishicha, xavfsizlik nuqtai nazaridan, HDK va AQSh harbiy havo kuchlari ushbu hodisalarni tekshirmoqda.
Manbaga ko‘ra, NUJ atamasi o‘rniga “noaniq havo fenomeni” (NHF) atamasi kiritiladi. Yangi tizim barcha mavjud axborotlarni tahlil qilish imkonini beradi.
Izoh (0)