Farg‘onalik erkak “Odnoklassniki”da tanishgan qiz yigit bo‘lib chiqdi va undan pul talab qildi (video)

Farg‘onada ichki ishlar organlari xodimlari tovlamachilik qilgan fuqarolarni qo‘lga oldi, deb xabar bermoqda UzNews “Sevimli” telekanaliga tayanib.

Erkak “Odnoklassniki” ijtimoiy tarmog‘ida bir qiz bilan tanishgan.  “Yuzma-yuz” uchrashuv belgilanganidan so‘ng, uni yigit kutib olgan. Tovlamachilar uning ishqiy yozishmalarini tarqatib yuborish bilan qo‘rqitib, undan telefonini olib qo‘yishgan.

Bir qancha vaqtdan keyin jabrlanuvchi “Odnoklassniki”da yana bir qiz bilan tanishgan. Uchrashuvda uni yana o‘sha yigitlar kutib olgan. Bu safar ular fuqarodan 800 ming so‘m miqdorida pul talab qilgan.

Bu safar jabrlanuvchi ichki ishlar organlariga murojaat qilgan. Tezkor tadbirlar natijasida tovlamachilar qo‘lga olingan.